Istominning tarixiy g‘alabasi, Xitoydan Londonga yetib kelgan birinchi yuk poyezdi, Nokia’ning yangi yong‘oqchaqar telefoni va kunning boshqa muhim xabarlari

19-yanvarning e’tiborga molik yangiliklari — “Daryo”ning kechki dayjestida.

1. Tarixiy natija: Denis Istomin Australian Open—2017 da jahonning 2-raketkasi Novak Jokovichni mag‘lub etdi. Jahon matbuoti Istominning 117-o‘rinda ekaniga e’tibor qaratdi, u bitta g‘alaba bilan Twitter trendiga chiqdi.

2. Xitoydan birinchi yuk poyezdi Londonga yetib keldi. Londonga yo‘l davomida poyezd Qozog‘iston, Rossiya, Belarus, Polsha, Germaniya, Belgiya va Fransiya chegaralarini bosib o‘tdi.

3. Eronda osmono‘par binoning qulashi oqibatida 30 nafar o‘t o‘chiruvchi halok bo‘ldi. Qulash oldidan ular binodagi yong‘inni bir necha soatdan buyon o‘chirayotgan edi.

4. “Toshkent” kanalidagi “Poytaxt yo‘llarida” ko‘rsatuvida qoidabuzar piyodalarga nisbatan ko‘rilayotgan qonuniy choralar haqida hikoya qilinadi. Ko‘rsatuvi 19-yanvar, payshanba kuni soat 21:00 da efirga uzatiladi.

5. Nokia 6: Afsonaviy brendning yong‘oqchaqarlari yana qaytmoqda. Android tizimida ishlaydigan bu qurilma bilan bemalol yong‘oq chaqsa bo‘ladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.