Toshkent avtomobil yo‘llarini loyihalash, qurish va ekspluatatsiyasi instituti rektorining virtual qabulxonasi o‘z faoliyatini boshladi. Bu haqda “Daryo”ga institut matbuot xizmati bildirdi.
“O‘zbekiston Respublikasi Prezidentining ‘Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida’ 2016-yil 28-dekabrdagi farmonida belgilangan vazifalar ijrosini ta’minlash, xalq qabulhonalariga va virtual qabulxonaga kelib tushgan hamda tegishliligi bo‘yicha davlat organlari va xo‘jalik boshqaruvi organlariga yuborilgan murojaatlar ko‘rib chiqilishi ustidan tizimli monitoring va nazoratni amalga oshirish maqsadida Toshkent avtomobil yo‘llarini loyihalash, qurish va ekspluatatsiyasi instituti rektori Risqulov Alimjan Ahmadjanovichning virtual qabul xonasi ochildi”, — deyiladi xabarnomada.
Virtual qabulxonaga institut sayti yoki to‘g‘ridan-to‘g‘ri “Rektor.tayi.uz:8081” orqali kirish mumkin.
Virtual qabulxona orqali muammo va takliflar hamda shikoyatlar yuzasida to‘g‘ridan-to‘g‘ri rektorning o‘ziga murojaat qilish imkoniyati bor.
Shuningdek, ishonch telefoni (233-08-27) orqali murojaat qilish mumkin.
Izoh (0)