AQShning saylangan prezidenti Donald Tramp jamoasi vakillaridan hech kim Davosda 17-yanvarda boshlanadigan Butunjahon iqtisodiy forumda qatnashmaydi, deb yozadi “RIA Novosti”.
“Hech kim ishtirok etmaydi”, — deya Tramp vakili Xoup Xiks Bloomberg agentligiga ma’lum qildi.
Uning so‘zlariga ko‘ra, Oq uyning bo‘lajak rahbari forumda ishtirok etish uning o‘zi saylovoldi kampaniyasi chog‘ida ko‘klarga ko‘targan va unga saylovlarda yutib chiqishda yordam bergan qadriyatlarga xiyonat qilish bo‘ladi, degan fikrda.
Iqtisodiy forum har yili Shveysariyaning Davos shahrida o‘tkazilib, butun dunyoning iqtisodiy va siyosiy elitasini to‘playdi. 2017-yilda forum 17—20-yanvar kunlari bo‘lib o‘tadi.
Izoh (0)