Server Jeparov
Eron futbol klublaridan biriga o‘tgani ma’lum qilingan Server Jeparov Tehronga yetib keldi. U yangi klubi va uning vakillari bilan uchrashganini suratlardan bilish qiyin emas.
Avvalroq “Istiqlol” futbol klubi Jeparov uchun 800 ming dollar to‘lashi haqida xabar chiqqandi. Futbolchining Eron klubiga o‘tgani haqida aytgan “Lokomotiv” esa fors klubi nomiga ham, futbolchining narxiga ham oydinlik kiritmadi.
Dilshod Sharofutdinov
O‘zining so‘nggi mavsumini Malayziyaning “T-Tim” klubi safida o‘tkazgan o‘zbekistonlik Dilshod Sharofutdinov, shu klub bilan shartnomasini uzaytirdi.
“Championat.asia” saytidagi xabarda shartnomaning qanchaga mo‘ljal qilingani oshkor etilmagan. Ikki kun muqaddam “T-Tim” Farhod Tojiyevni ham o‘z safiga qo‘shib olgandi.
Qatar Yulduzlar ligasi
Qatar Yulduzlar ligasining 16-turi o‘zbekistonlik futbolchilar uchun omadli kelmadi.Sardor Rashidov to‘p suradigan “Al-Jaish” safarda “Al-Xor” klubiga qarshi maydonga tushdi va 0:0 hisobida durang o‘ynadi. Bundan avvalgi turda 2 ta gol urib, jamoasining g‘alabasini ta’minlagan Rashidov, bu safar ham to‘liq harakat qildi, biroq gol ura olmadi.
Sanjar Tursunovning “Al-Haraytiyat” klubi “Al-Arabi” maydoniga safar uyushtirdi va 1:2 hisobida imkoniyatni boy berib qo‘ydi. Sanjar Tursunov uchrashuvda to‘liq ishtirok etdi, biroq jamoasini mag‘lubiyatdan qutqara olmadi.
Yulduzlar ligasi turnir jadvali bilan tanishing.
“Bunyodkor”
Amirlik yig‘inida bo‘lib turgan Toshkentning “Bunyodkor” futbol klubi Saudiyaning “Al-Faysaliy” klubiga qarshi o‘rtoqlik o‘yinida ishtirok etdi va 1:1 hisobiga imzo chekdi. “Qaldirg‘ochlar”ni mag‘lubiyatdan qutqarib qolgan golga 89-daqiqada Javohir Esonqulov mualliflik qildi.“Bunyodkor” — “Al-Faysaliy” (Saudiya) 1:1
Gollar: 27 (0:1). Javohir Esonqulov, 89 (1:1).
Bunga qadar “Bunyodkor” BAAning “Ash-Shaab” klubini 2:1 hisobida mag‘lub etgan, Gana terma jamoasiga 0:2 hisobida imkoniyatni boy bergan va Xitoyning “Xenan Jianye” klubi bilan 1:1 hisobida durang o‘ynagandi.
Izoh (0)