Krishtianu Ronalduning 2016-yildagi barcha sovrinlari — bitta rasmda

Madridning “Real” jamoasi hujumchisi Krishtianu Ronaldu 2016-yil hisobidan 4 ta jamoaviy va 3 ta individual mukofotga sazovor bo‘ldi.

Portugaliyalik 31 yoshli futbolchi avval “Real” bilan YChL g‘olibi, keyin Portugaliya termasi bilan Yevropa chempioniga aylandi. Yevro–2016 finalida olingan jarohati tufayli Ronaldu “Sevilya”ga qarshi UEFA Superkubogida ishtirok eta olmagandi, shunga qaramay “Real” 3:2 g‘alaba qozongandi. Keyinroq “Real” hujumchisi UEFA versiyasi bo‘yicha eng yaxshi futbolchi deb tan olindi.

• 2016-yil xalqaro o‘yinlarda eng ko‘p gol “Oltin to‘p” sohibi Krishtianu Ronaldu tomonidan urilgani aniqlandi

Ronaldu “Real” safida Yaponiyada bo‘lib o‘tgan klublar o‘rtasidagi JChda g‘olib bo‘ldi. Turnir davomida 4 ta gol kiritgan Ronaldu musobaqaning eng yaxshi futbolchisi deb topilgandi.

• Yevropaning 27 ta axborot agentligi Krishtianu Ronalduni qit’ada yilning eng yaxshi sportchisi deb topdi

Bundan tashqari, Ronaldu Globe Soccer Awards talqini bo‘yicha 2016-yilning eng yaxshi futbolchisi nomiga loyiq deb topilgandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.