Xalqaro kosmik stansiya bortida turib, kosmonavtlar eski yil bilan bir necha marta xayrlasha oldi: kosmik parvozni amalga oshira turib, XKS 2017-yil kirib kelgan 16 ta vaqt mintaqasidan o‘tdi, deb yozadi National Geographic.
Yangi yil orbitada birinchi marta 31-dekabr kuni Toshkent vaqti bilan 17:24:08 da kutib olindi: bu vaqtda XKS parvoz yo‘li Yangi Zelandiyadan janubi-g‘arbdan o‘tdi.
Moskvada Yangi yil kirib kelgan vaqtda XKS ekipaji Kaliforniya shtati hududi tepasida bo‘ldi. Ular Folklend orollari ustidan o‘tganda — Parijda, Fiji orollari ustidan o‘tganda — Vashingtonda, Belarus ustidan o‘tganda — Xyustonda Yangi yil kirib keldi.
2017-yilni eng so‘nggi bo‘lib 1-yanvar kuni 16:34:59 da Tinch okeani akvatoriyasining janubiy qismidan o‘tish vaqtida kutib olishdi.
Izoh (0)