Poytaxtning Yunusobod tumanida mamlakatdagi birinchi qurilish mahsulotlari gipermarketi Stroy Center tashrif buyuruvchilar uchun o‘z eshiklarini ochdi. Xaridorlar bu yerda ta’mirlash va qurilish ishlariga mo‘ljallangan katta turdagi mahsulotlarni bir joyning o‘zida, soat ertalabki 8.00 dan kechki 11.00 ga qadar, dam olish kunlarisiz xarid qilishlari mumkin.
Majmuaga pardoz berishda yuqori sifatli pardoz mahsulotlari ishlatilgan va har bir qavatda sanitariya uzellari yaratilgan. Bundan tashqari, majmua zamonaviy konditsioner va havo almashtirish tizimiga ega. U xaridlarni noqulay ob-havo sharoitida ham qulaylik bilan amalga oshirish imkonini beradi. Har bir do‘kon alohida yondashilgan va o‘ziga xos interyerga ega Show Room formatida qilingan. Eskalator va liftlar qavatlar bo‘ylab tez va bemalol harakatlanish imkonini beradi. Navigatsiya sxemalari esa butun gipermarket bo‘ylab do‘konlar joylashishini topishda ko‘mak beradi. Shuningdek, xaridorlar qulayligi uchun barcha mahsulotlar qavatlar bo‘ylab quyidagi tarzda bo‘g‘imlarga ajratilgan:
Yer ostidagi 1-qavatda – lok-bo‘yoq mahsulotlari, plastik quvurlar, gipsokartonlar, burama mixlar, mixlar va sochiluvchi mahsulotlar va asboblar joylashgan.
1-qavat – santexnika asboblari: vannalar, unitazlar, rakovinalar va aralashtirgichlar (smesitel), isitish tizimlari, keramik plitkalar hamda kafel.
2-qavat – devor, shift va polga mo‘ljallangan barcha turdagi qoplamalar, eshiklar, furnitura va eshik qulflari.
3-qavat – elektrotexnika mahsulotlari va qandillar.
4-qavat – gulqog‘oz va jalyuzilar.
5-qavat – oshxonalar, maishiy texnika, orgtexnika.
Majmuada qurilish mahsulotlari bilan shug‘ullanuvchi dunyo ishlab chiqaruvchilarining eng yirik brend va markalari jamlangan. Bu esa mahsulotlar narxining qurilish bozorlari bilan raqobat qilishiga imkon beradi.
Bundan tashqari, 5-qavatda bistro tizimidagi umumiy ovqatlanish majmuasi joylashgan. Bu esa vaqtni tejash va xaridorlarga qulaylik yaratishda yordam beradi. Poytaxt bozorlaridagi avtomobil turargohlari bilan bog‘liq muammolar majmuaga tashrif buyurganlarga uning atrofida maxsus hudud ajratilgani va do‘kon egalariga tegishli avtomashinalar uchun gipermarket qarshisida maxsus alohida hudud barpo etilgani bilan hal qilingan.
Reklama huquqi asosida
Izoh (0)