“Kalashnikov” o‘qi o‘tmaydigan Putinning Mercedes-Benz limuzini sotuvga qo‘yildi

Germaniyaning “Mobile.de” portalida Mercedes-Benz Guard Pullman S600 (W140) limuzini sotulayotganligi haqida e’lon paydo bo‘ldi. Sotuvchining ta’kidlashicha, mashinadan Rossiya prezidenti Vladimir Putin foydalangan, deb yozadi Motor.

Zirhli Mercedes’ning narxi 1,3 million yevroni tashkil etmoqda.

1995-yilda chiqarilgan limuzin himoyaning B6/B7 klassi talablariga javob beradi. Bu uning “Kalashnikov” avtomati va snayper vintovkasi o‘qiga bardosh bera olishini anglatadi. Avtomobilni 400 ot kuchiga ega olti litrli V12 motori harakatga keltiradi. Bosib o‘tgan masofasi 25 ming kilometrni tashkil etadi.

2017-yilda “Kortej” loyihasining ilk atomobillari maxsus garajga keltirilishi kutilmoqda. Loyiha doirasida Rossiya siyosiy elitasi uchun sedan, yo‘ltanlamas, miniven va prezident uchun limuzin ishlab chiqarilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.