Fotogalereya: Amerikalik boyvachchalarning eng sevimli avtomobillari

Motor nashri amerikalik boyvachchalar orasida talabgir hisoblangan 10 ta avtomobil haqida ma’lumot berdi.

Ford F-Series

Dunyoda eng ko‘p sotiladigan modellardan biri amerikalik boyvachchalar orasida talabgir sanaladi. AQShda mazkur pikapning narxi 26 540 dollardan boshlanadi.

Jeep Grand Cherokee

AQShda yo‘ltanlamasning topilishi eng oson bo‘lgan varianti 30 395 dollar turadi. Ushbu modelning 3 litrli V6 dizelli, dvigatel hajmi 3,6 litrli benzinli olti silindrli tomor, 5,7 litrli sakkiz silindrli motor hamda SRT modifikatsiyali 6.4 V8 agregatli variantlari bor.

Jeep Wrangler

Uch eshikli yo‘ltanlamas 24 ming, besh eshiklisi 27,8 ming dollar turadi. Avtomobilning hajmi 3,6 litr bo‘lgan benzinli olti silindrli varianti mavjud.

Lexus RX

Lexus’ning ushbu modeli antiqa ko‘rinishga ega. AQShda mashinani 43 ming dollardan boshlab sotib olish imkoni bor.

BMW X5

Mazkur avtomobil Lexus’dan tashqari Top-10 ga kirgan yagona premium mashina hisoblanadi. Yo‘ltanlamas dvigatel hajmi 2,0 dan 4,4 litrgacha bo‘lgan 4, 6, va 8 silindrli motorda taklif qilinadi. BMW X5 ning narzi 55,5 ming dollardan boshlanadi.

Ford Explorer

Yo‘ltanlamasning 2,3 litrli dvigatel va 4 silindrli motor, shuningdek, 3,5 litrli dvigatel va ikkita 6 silindrli motor variantlari mavjud. Ushbu modelning narzi 31 660 dollardan boshlanadi.

Toyota Highlander

AQShda Toyota’ning 5 ta – RAV4, 4Runner, Sequoia, Land Cruiser, Highlander yo‘ltanlamaslar seriyasi sotiladi. Boylar orasida Highlander ko‘proq shuhrat qozongan. Uning narxi 30 600 dollardan start oladi.

Honda Pilot

Boyvachchalar orasidagi eng mashhur 10 ta avtomobil orasida bir yo‘la uchta Honda’ni uchratish mumkin. Yetti o‘rindiqli Honda Pilot yo‘ltanlamasi Toyota Highlander’ning asosiy raqobatchisi hisoblanadi. Uning narxi ham bir xil – 30 600 dollar.

Honda Accord

Accord mazkur reytingga kirgan yagona sedan hisoblanadi. Uning narxi 22,3 ming dollardan boshlanadi.

Honda CR-V

Honda CR-V krossoverlar segmentiga kiruvchi mashinalar orasida AQShda eng ko‘p sotiladigani sanaladi. Shu sababli u boyvachchalar orasida ham mashhur. Mazkur yo‘ltanlamasni 23,9 ming dollardan boshlangan narxda sotib olish mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.