BBDO Berlin va MJZ’s Perlorian Brothers reklama agentligi katta bo‘lmagan avtomobillar ishlab chiqaruvchi Smart kompaniyasi uchun mashhur kinoshtamplar – kinofilmlardagi qoliplarga asoslanib reklama tayyorladi, deb xabar bermoqda TJournal.
Mazkur videoroliklar orqali kompaniya turli qoliplardan xoli ekanini ko‘rsatib bermoqchi bo‘ldi. Birinchi rolikda odatiy Gollivud poygasi namoyish qilingan. Politsiya mashinasi havoda qotib qolgan bir vaqtda kadrga Smart mashinasi kirib keladi va uning ichidagi haydovchi politsiyachilar bilan muloqotga kirishadi.
– Xayrli kun, ofitserlar. Bu yerda nimalar bo‘lyapti? – deb so‘raydi Smart haydovchisi.
– Biz poygadamiz, – deya javob qaytardi politsiyachilar.
– Nima uchun sekinlashgan holatda harakatlanyapsiz? Bu stereotipga o‘xshab ketadi, – deb harakatlanishda davom etadi Smart haydovchisi.
“Hammasi hech narsa emas, hech narsa esa hammasi” deb nomlangan ikkinchi rolikda Smart odatiy oq-qora fransuz filmiga kirib keladi. Unda erkak va ayol mashinada o‘tirgan xolda hayot haqida suhbatlashib ketayotgan bo‘ladi.
“Hayot mazmunini baxt, kamalak ranglarida izlab bo‘lmaydi”, – deydi ayol. “Bu juda jiddiy” – qo‘shimcha qildi erkak. “Buning barchasi klishe (stereotip)”, – deya qitmirona javob qaytarib, harakatda davom etdi Smart haydovchisi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.