Google kompaniyasi Fiat Chrysler Automobiles (FCA) bilan hamkorlikda Chrysler Pacifica Hybrid modeli asosida ishlab chiqilgan avtomatik tizimda boshqariladigan minivenni namoyish qildi. Bu haqda Motor xabar bermoqda.
Yangi avtomobil Google’ning sho‘ba korxonasi – Waymo brendi ostida chiqariladi. FCA va Google haydovchisiz mashinalarni yaratish borasida shu yilning bahorida kelishuvga erishgandi. Avtomatik boshqariladigan tizimni bishlashtirish uchun yarim yil vaqt kerak bo‘ldi.
Minivenlarning ishlab chiqarilishi oktabr oyida boshlangan edi, lekin premyeradan avval avtomobillar qo‘shimcha sinovdan, shu jumladan, 200 soat ekstremal sharoitda o‘tishi kerak bo‘ldi.
100 ta minivendan iborat mashinalarning dastlabki partiyasi 2017-yilning yanvar oyida tayyor bo‘ladi. 2017-yil davomida haydovchisiz mashinalar AQSh yo‘llarida sinovdan o‘tkaziladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)