Namangan viloyatining Qirg‘iziston bilan chegaradosh chekka tumanlaridan biri — Yangiqo‘rg‘onda FHDYo bo‘limining yangi binosi qad rostladi. Bu haqda tuman hokimligi axborot xizmati xabar bermoqda.
Baxt uyi “Otash” xususiy korxonasi quruvchilari tomonidan bunyod etildi. 5 oy davomida mazkur obyektda 1 milliard 350 million so‘mlik qurilish ishlari bajarildi.
Ochilish marosimida so‘zga chiqqan tuman hokimi M. Mamatxonov, viloyat adliya boshqarmasi boshlig‘i S. Nuriyev, viloyat “Nuroniy” jamg‘armasi raisi I. Najmiddinov, mehnat faxriysi M. Murodova tuman ahli, xususan, yoshlarni yaratilgan ushbu imkoniyat bilan qutladi.
Shu kuni FHDYoning yangi binosida ilk nikoh qayd etildi. Yangi oilaga yig‘ilganlarning olqishlari ostida tuman hokimligining esdalik sovg‘alari topshirildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)