O‘zbekiston Prezidenti Shavkat Mirziyoyevning Qozog‘iston prezidenti Nursulton Nazarboyev bilan telefon orqali muloqoti bo‘lib o‘tdi. Bu haqda Qozog‘iston prezidenti rasmiy saytida ma’lum qilingan.
Shavkat Mirziyoyev Nursulton Nazarboyevni Qozog‘iston mustaqilligining 25 yilligi bilan tabrikladi. Mamlakat xalqiga farovonlik va ravnaq tiladi.
O‘z navbatida, Nursulton Nazarboyev Shavkat Mirziyoyevni O‘zbekiston Prezidenti lavozimiga kirishgani bilan qutladi.
Davlat rahbarlari ikki tomonlama munosabatlarning joriy holati va istiqbollarini muhokama qildi. O‘zbekiston va Qozog‘iston o‘rtasidagi hamkorlikni faollashtirishni davom ettirish zarurligi qayd etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)