Plexanov nomidagi Rossiya iqtisodiyot universiteti rektori Viktor Grishin O‘zbekistonda bo‘lib o‘tgan Prezident sayloviga nisbatan o‘z fikrini bildirdi.
“Men Rossiya Federatsiyasidan xorijiy kuzatuvchi sifatida Toshkentdagi saylov uchastkalariga tashrif buyurish chog‘ida ming yillik boy davlatchilik tarixi, xayrli an’analar va odatlarga ega xalqingiz o‘z taraqqiyotidagi yanada sifatliroq bosqichga o‘tishni boshidan o‘tkazayotganiga yana bir bora amin bo‘ldim”, — dedi Grishin.
“Erkin va ochiq saylovlarni o‘tkazishning qonuniy kafolatlari amalga oshirilayotgani, ularga rioya qilinishidan jarayonning barcha ishtirokchilari manfaatdor ekanligiga o‘z ko‘zlarim bilan ishonch hosil qildim”, — deya o‘z fikrini davom ettirdi rektor.
U aholining huquqiy savodxonligi, o‘zbekistonliklarning siyosiy faolligi o‘sganligini alohida tilga oldi. “Saylovda saylovchilarning 88 foizi qatnashganligi buning isbotidir. Mamlakat fuqarolari ular o‘z vatanining taqdiriga befarq emasligini namoyish etdi”, — dedi u.
Izoh (0)