Uy tozalashda yo‘l qo‘yiladigan xatolar

Eng ozoda uy bekalari ham uy tozalashda ko‘pincha xatolarga yo‘l qo‘yadi. Bugun biz bu xatolarning eng keng tarqalganlariga to‘xtalib o‘tmoqchimiz.

Axlat chelagini tozalashni unutamiz

Oshxonada noxush hidni sezdingizmi? Agar hamma joyning tozaligiga va chiqindilar o‘z vaqtida tashlanganligiga amin bo‘lsangiz, buning sababi, anchadan beri tozalanmagan axlat chelagi bo‘lishi ham mumkin. Axlat solinadigan idishni, hech bo‘lmasa, bir haftada bir marta iflos joylarni tozalovchi maxsus vosita yordamida tozalab qo‘ying.

Hammasi uchun bitta latta

Mikroblarning bir joydan ikkinchi joyga tarqalishi oldini olish uchun, har bir joy uchun alohida lattalardan foydalaning.

Unutilgan klaviatura

Klaviaturani muntazam ravishda, chang va boshqa narsalardan antiseptik yordamida tozalab turing.

Eshik tutqichlari va kranlarni unutamiz

Eng ko‘p ushlanadigan joylar bo‘lgani uchun ham aynan shu yerda bakteriyalar ko‘p to‘planadi. Shuning uchun, bu joylarni ikki haftada bir marta dezinfeksiyalovchi vositalar yordamida tozalash zarur.

Iflos gubkadan foydalanamiz

Uyda yangi gubka bo‘lmasa, iflos bo‘lsa ham eskisini ishlataveramiz. Eski gubkani suvga botirib olib, mikroto‘lqinli pechga 1—2 daqiqaga qo‘ying, yuqori haroratda hamma mikroblar yo‘qoladi va bemalol tozalashda davom etaverasiz.

Derazalarni quyoshli kunda tozalaymiz

Ko‘pchilik tozalovchi vositalar qurigandan so‘ng, quyosh ta’sirida oyna yuzasida dog‘ qoldiradi. Shu sababli, deraza oynalarini bulutli kunlarda tozalagan ma’qul.