Boks bo‘yicha Rio–2016 Olimpiya o‘yinlarining bronza medali sohibi Rustam To‘laganov uylandi. Bu haqda sportchining do‘stlari va san’atkorlar Instagram ijtimoiy tarmog‘ida e’lon qildi, deya yozadi ProToday.
“O‘zbekistonda xizmat ko‘rsatgan artist Sardor Rahimxonning Instagram’dagi sahifasida yozishicha, to‘yda u jonli ijroda ‘Malikam’ qo‘shig‘ini kuylagan. Biroq tarona kelinga bag‘ishlab kuyov nomidan ‘Sevaram’ deya o‘zgartirilgan”, – deyiladi xabarda.
To‘y marosimi qachon va qayerda bo‘lib o‘tganiga aniqlik kiritilmagan. Sardor Rahimxonning to‘y marosimidan olingan videolavha xabar yozilayotgan vaqtda uning Instagram’dagi sahifasiga 2 soat avval yuklangan edi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.