Moskvaning SSKA jamoasi futbolchilari murabbiy Igor Aksyonovning qizi Alyona vafot etgani haqida xabar topgach, qisqa vaqt mobaynida 500 ming rubl yig‘ib berdi. Bu haqda TJournal xabar bermoqda.
Igor Aksyonovning qizi Moskvadagi ko‘p qavatli uyning 23-qavatidan qulash oqibatida halok bo‘ldi. Bu vaqtda SSKA “Tottenhem”ga qarshi (1:3) YChL doirasidagi o‘yindan keyin Londonda bo‘lib turgan edi.
Murabbiyning xotini hodisa haqida SMS orqali ma’lum qildi va Aksyonov Moskvaga qaytish uchun chipta sotib oldi. Klub futbolchilari murabbiyni qo‘llab-quvvatladi va o‘z yonidan jami 500 ming rubl yig‘ib berdi.
Alyona Aksyonova halok bo‘lgani haqidagi xabar 9-dekabr kuni paydo bo‘ldi. Dastlabki ma’lumotlarga ko‘ra, qiz 8-dekabrga o‘tar kechasi hech kimning ishtirokisiz oynadan qulagan.
Rossiya tergov qo‘mitasi o‘lim yuzasidan tekshiruv o‘tkazmoqda. Shundan so‘ng “Suiqasdgacha yetkazish” moddasi bo‘yicha jinoiy ish qo‘zg‘atiladi. Bo‘lib o‘tgan hodisadan so‘ng ruhiy tushkunlik tufayli shifoxonaga tushib qolgan qizning onasi voqea oldidan qiz yiligi bilan urushib qolganini ma’lum qildi.
39 yoshli Igor Aksyonov SSKA yoshlar jamoasida jismoniy tayyorgarlik bo‘yicha murabbiy bo‘lib ishlaydi. 2010-yilgacha u “Volga”, SSKA, “Kuban” klublari va Rossiya terma jamoasi safida yarim himoyachi ampluasida to‘p surgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)