O‘zbekiston Respublikasi Mehnat vazirligi qoshidagi Tashqi mehnat migratsiyasi masalalari agentligi bosh direktorining virtual qabulxonasi ish boshladi. Bu haqda agentlikning Facebook’dagi sahifasida ma’lum qilindi.
Tashqi mehnat migratsiyasi masalalari agentligi bosh direktori Ulug‘bek Nazarovga ariza, taklif va shikoyat yo‘llashni 4 xil usulda: qo‘ng‘iroq qilish, Internet orqali murojaat yuborish, elektron xat yozish yoki agentlik filiallariga tashrif buyurish orqali amalga oshirish mumkin.
Ariza, taklif va shikoyatlarni (0371) 214-30-76, 214-54-36 raqamlariga qo‘ng‘iroq qilgan holda bildirish mumkin. Barcha qo‘ng‘iroqlar respublika bo‘yicha bepul bo‘lib, undan faqatgina statsionar telefonga qo‘ng‘iroq qilish narxi bo‘yicha haq olinadi.
Qabulxonada viloyat boshqarmalarining telefon raqamlari ham havola etilgan. Qabulxona o‘zbek va rus tillarida shikoyatlar qabul qiladi, shuningdek, o‘zbek tilining ham kirill, ham lotin imlosidagi sahifalari mavjud. Virtual qabulxonaga murojaat qilgan shaxs mazkur manzilda o‘z murojaatining natijasini ham bilishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)