Ikki noma’lum ayol Navoiy shahar Tinchlik ko‘chasida yashovchi ayolning uyiga kelib, “Qizingizning baxtini ochib beramiz” deb, aldov yo’li bilan uning ishonchiga kirdi va ikki turdagi sariq metalldan yasalgan zargarlik buyumlarini olib ketdi. Bu haqda O‘zbekiston Respublikasi IIV matbuot xizmati xabar bermoqda.
Jabrlanuvchi aldanganini bilgach, ichki ishlar organiga murojaat qildi. Voqea joyiga etib kelgan huquq-tartibot xodimlari jinoyat joyini ko‘zdan kechirib, jabrlanuvchi va uning qo‘shnilari bilan surishtiruv ishlari olib bordi. Firibgarlarning tashqi ko‘rinishlari haqida ma’lumotlar to’plandi hamda bir qator tezkor-qidiruv tadbirlari amalga oshirildi.
Natijada gumonlanuvchilar issiq izida qo‘lga olindi va sodir etgan jinoyati to‘liq fosh etildi. Ular Qashqadaryo viloyati Shahrisabz tumanida yashovchilar 1959 va 1981-yilda tug‘ilgan ayollar bo‘lib chiqdi.
Ushbu firibgarlik holati bo‘yicha jinoyat ishi qo‘zg‘atildi. Tergov harakatlari olib borilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)