2016-yilning 29-noyabr – 5-dekabr kunlari Tailandning Patayya shahrida bodibilding va fitnes bo‘yicha VIII jahon chempionati (8th WBPF World Championships 2016) bo‘lib o‘tdi. Unda ishtirok etgan O‘zbekiston terma jamoasi 1 ta oltin va 1 ta bronza medali bilan Toshkentga qaytib keldi. Bu haqda O‘zbekiston bodibilding va fitnes federatsiyasining Facebook’dagi sahifasida ma’lum qilindi.
Eslatib o‘tamiz, 2-dekabr kuni O‘zbekiston vakili Pavel Umirzakov jahonning 23 sportchisi orasida 40–49 yosh toifasida “bodibilding ustasi” kategoriyasi bo‘yicha eng yaxshi natijani qayd qildi. Bu O‘zbekiston tarixida bodibilding bo‘yicha jahon chempionatida qo‘lga kiritilgan birinchi oltin medaldir.
3-dekabr kuni esa O‘zbekiston vakilasi Malika Vakasova “model-fizik” kategoriyasida 20 nafar ishtirokchi orasida uchinchi o‘rinni qo‘lga kiritgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)