Finlyandiyaning Imatra shahrida Rossiya bilan chegara yaqinida otishma sodir etildi, natijada ikki jurnalist va shahar kengashi rahbari halok bo‘ldi, deb yozadi “RIA Novosti”.
Qotillikda 23 yoshli mahalliy fuqaro gumonlanmoqda, uni hibsga olishdi va so‘roq qilishdi. U miltiqdan o‘q uzgani taxmin qilinmoqda, uning maqsadi nima bo‘lgani aniqlanganicha yo‘q.
Vuoksenvahti restoraniga yetib kelgan patrulga voqea joyidagi odamlar gumonlanuvchini ko‘rsatgan edi. Erkak restoranning kirish eshigi yonida to‘xtab turgan avtomobil ortida turgan edi, u hech qanday qarshiliksiz taslim bo‘ldi.
Izoh (0)