Xitoyda fabrika binosining qulashi oqibatida 5 kishi halok bo‘ldi

Xitoyning Shandun provinsiyasi ma’muriy markazi – Szinan shahrida 3-dekabr, shanba kuni fabrika binolaridan birining qulashi oqibatida 5 kishi halok bo‘ldi. Bu haqda “Sinxua” agentligiga tayanib, “TASS” xabar bermoqda.

Xabarda qayd etilishicha, fabrikaning 9 ishchisi vayronalar ostida qolgan. Qutqaruvchilar 4 kishini qutqarib qoldi, yana 5 nafarining jonini saqlab qolishning imkoni bo‘lmadi.

Mazkur hodisa yuzasidan surishtiruv ishlari davom ettirilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.