Butunjahon antidoping agentligi (WADA) Mexiko shahridagi laboratoriyasi faoliyatini 6 oyga to‘xtatib qo‘ydi. Bu haqda tashkilot matbuot xizmatiga tayanib, “TASS” xabar bermoqda.

Mexikodagi laboratoriyaning yopilishi talablarga javob bermaslik bilan izohlandi. 23-noyabrdan faoliyati to‘xtatilgan laboratoriyaga har qanday antidoping ekspertizalarni o‘tkazish taqiqlandi.

Mexikodagi barcha namunalar boshqa joyga ko‘chiriladi. Meksikada mazkur qarorga shikoyat berishi uchun 21 kun mavjud.

Mexikodagi laboratoriyada barcha kamchiliklar bartaraf etilmasa, muassasa faoliyatining to‘xtatilish muddati uzaytiriladi.