Meksika hukumati mazkur haftada mamlakat janubida joylashgan Gerrero shtatidagi bir nechta yashirin qabrlardan 32 kishining jasadi va to‘qqizta odam boshini eksgumatsiya qildi. Bu haqda “Korrespondent.net” xabar bermoqda.
Jasad qoldiqlari 22-noyabrdan 24-noyabrgacha bo‘lgan vaqt oralig‘ida Pochauisko qishlog‘ida joylashgan tepalikdagi 17 ta qabrdan topilgan.
Bu kabi ommaviy dafn etishlar Meksikada tez-tez uchrab turadi. Ko‘pincha bunday jasadlar narkokartellar bilan kurashda halok bo‘lganlarga tegishli bo‘ladi. Narkotik moddalar savdogarlari raqiblarini yo‘q qilishda eng shafqatsiz usullardan foydalanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)