“PSJ” himoyachisi Tiago Silva Braziliya terma jamoasining Argentinaga qarshi (3:0) Janubiy Amerika qit’asidan JCh–2018 turniriga saralash bosqichi 11-turida maydonga tushib, terma jamoaga qaytganidan xursand ekanini ma’lum qildi, deb xabar bermoqda “TASS”.
Braziliya terma jamoasi sardori bo‘lgan 32 yoshli futbolchi mamlakat termasining sobiq bosh murabbiyi Dunga bilan yuzaga kelgan mojaro tufayli doimiy o‘yin amaliyotiga ega bo‘lmagandi.
“Terma jamoaga qaytganimdan xursandman. Qaytish haqida doim orzu qilardim. Farzandlarim milliy terma safida nega o‘ynamaganligim haqida so‘ragandi. Bugun esa faxr bilan qaytganimni ayta olaman”, – dedi Silva.
Ma’lumot uchun, Janubiy Amerika qit’asidan JCh–2018 turniriga saralash bosqichi 11-turidan so‘ng Braziliya 24 ochko bilan peshqadamlik qilmoqda. Argentina 16 ochko bilan 6-o‘rinni band qilib turibdi.