Xalqaro sambo federatsiyasi (FIAS)ning jahon chempionati oldidan Sofiyada o‘tkazilgan kongressida Kanada, Filippin va Shri-Lanka sambo federatsiyalarini tashkilot tarkibiga kiritish haqida qaror qabul qilindi. Bu haqda “TASS” xabar bermoqda.
FIAS tarkibidagi mamlakat federatsiyalari soni 88 taga yetdi. Kosta-Rika sambo federatsiyasi ham FIAS a’zoligiga rasman da’vogar bo‘ldi.
Ma’lumot uchun, sambo bo‘yicha jahon chempionati 11–13-noyabr kunlari Bolgariya poytaxti Sofiya shahrida bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.