Meksikaning Tulansingo shahrida 6-noyabr kuni havaskor futbol klublari o‘rtasidagi o‘yinda Ruben Rivera Vaskes ismli futbolchi uchrashuvni boshqarib borgan 59 yoshli referi Viktor Trexoning hayotiga zomin bo‘lgani haqida xabar qilingan edi. YouTube’da meksikalik futbolchi hakamni urib o‘ldirgan holati aks etgan video e’lon qilindi.
Videolavhada ogohlantirilgan futbolchi Viktor Trexoning yuziga zarba bergani va buning oqibatida hakam yuzi bilan maydonga qulaganini ko‘rish mumkin. Kuchli zarbadan so‘ng referi voqea joyida halok bo‘ldi.
Hodisa joyidan yashiringan sportchini politsiya xodimlari izlashda davom etmoqda.