Estoniya bosh vaziri Taavi Riyvas muxolifat hamda ikki hukmron partiyaning ixtiyoriy ravishda lavozimdan ketish talabini bajarishdan bosh tortishini ma’lum qildi. Bu haqda “Interfaks” xabar bermoqda.
“Bu koalitsiyaning hamkorligi tugagani mutlaqo ravshan”, — dedi u o‘zi rahbarlik qilayotgan uchinchi hukmron partiya — Islohotlar partiyasi yig‘ilishida.
U hukumat biror ishni xato qildi deb hisoblovchilar bilan bahsga kirishishga tayyorligini aytib o‘tdi:
“Shu bois imkon qadar tezroq, ertagayoq ishonmaslik bo‘yicha ovoz berish o‘tkazilishini xohlayman, u yerda men bayonot bilan chiqaman”.
7-noyabr, dushanba kuni mamlakatdagi uch hukmron partiyadan ikkitasi — Sotsial-demokratik partiya hamda Ota yurt — Respublika ittifoqi Riyvasga o‘z ixtiyori bilan bosh vazirlikdan voz kechishni taklif qildi. O‘sha kuni parlamentdagi uchala muxolif partiya fraksiyalari ham shu talab bilan chiqdi. Parlament rahbariyatiga Riyvasga nisbatan ishonchsizlik votumi chiqarish bo‘yicha bayonot taqdim etildi.
Bosh vazir hamda u rahbarlik qilayotgan Islohotlar partiyasining raqiblari mamlakatdagi iqtisodiy stagnatsiya, ma’muriy islohot va mahalliy o‘zini o‘zi boshqarish organlari islohotlarining amalga oshmagani, soliq va iqtisodiyot sohasidagi siyosat tufayli norozilik bildirmoqda.
Izoh (0)