Madridning “Real” jamoasi hujumchi Krishtianu Ronaldu bilan shartnomani 2021-yilgacha uzaytirgani haqida e’lon qildi. Bu haqda, klub matbuot xizmatiga tayanib, “TASS” xabar bermoqda.
“Ronaldu bilan yangi kelishuvni imzolash rasmiy marosimi 7-noyabr, dushanba kuni bo‘lib o‘tadi. Portugaliyalik shartnomasini 2021-yilgacha uzaytiradi”, – deyiladi xabarda.
Avvalroq Ronaldu “Real” bilan kelishuvni uzaytirib, jamoaning eng ko‘p daromad oluvchi futbolchisi bo‘lib qolishi haqida xabar qilingandi. Ayni damda 31 yoshli portugaliyalik haftasiga 410 ming yevro maosh oladi.
Orada “Qirollik klubi” rahbariyati Ronalduning yoshi tufayli u bilan yangi shartnoma bo‘yicha kelishuvga erisha olmayotgan edi.
Ma’lumot uchun, Krishtianu Ronaldu 2009-yili “Manchester Yunayted” klubidan o‘sha davr uchun rekord summa – 80 million funt evaziga “Real”ga kelib qo‘shilgandi. Portugaliyalik futbolchi uch karra “Oltin to‘p” mukofoti sohibi hisoblanadi.
Izoh (0)