WADA doping qabul qilgan sportchilarni jinoiy javobgarlikka tortishga qarshi chiqdi

Butunjahon antidoping agentligi (WADA) doping qabul qilgan sportchilarni jinoiy javobgarlikka tortishga qarshi chiqdi. Bu haqda “TASS” xabar bermoqda.

3-noyabr, payshanba kuni Rossiya Davlat Dumasi doping qabul qilgan sportchilarni jinoiy javobgarlikka tortish to‘g‘risida qonun qabul qildi.

“WADA doping qabul qilgan sportchilarni jinoiy javobgarlikka tortish to‘g‘risidagi qonunni mamlakatlarda joriy etilishi kerak deb hisoblamaydi, ammo bunday qonunlar taqiqlangan preparatlarni tarqatuvchilarni samaraliroq aniqlashga yordam berishini tan olamiz. Qamoqqa tushish xavfi bo‘lganda, odamlar antidoping tashkilotlar bilan faolroq hamkorlik qiladi”, – dedi “TASS”ning WADA’dagi suhbatdoshi.