Samvel Babayan O‘zbekiston terma jamoasining Iordaniya va Janubiy Koreyaga qarshi uchrashuvlariga Vadim Afoninni chaqirdi

Futbol bo‘yicha O‘zbekiston terma jamoasi ustozi Samvel Babayan boshchiligidagi murabbiylar shtabi milliy termaning Iordaniyaga qarshi o‘rtoqlik hamda Janubiy Koreyaga qarshi JCh–2018 turniriga saralash bosqichi 5-tur uchrashuvi uchun tarkibini e’lon qildi. Bu haqda O‘FF matbuot xizmati xabar bermoqda.

Bo‘lajak uchrashuvlarga jalb etilgan futbolchilar orasida Rossiyaning “Orenburg” safida to‘p surayotgan Vadim Afonin ham bor.

• Babayan Rossiya chempionatida to‘p surayotgan o‘zbekistonlik Vadim Afoninning pasporti yuridik kuchga ega bo‘lsa, uni milliy termaga chaqirishga tayyor

Darvozabonlar: Aleksandr Lobanov (“Paxtakor”), Ignatiy Nesterov (“Lokomotiv”), Eldor Suyunov (“Nasaf”).

Himoyachilar: Yegor Krimets (“Beyjing Goan” – Xitoy), Anzur Ismoilov (“Changchun Yatay” – Xitoy), Islom To‘xtaxo‘jayev (“Lokomotiv”), Vitaliy Denisov (“Lokomotiv” Moskva), Davron Hoshimov (“Paxtakor”), Stanislav Andreyev (“Paxtakor”), Otabek Shukurov (“Bunyodkor”).

Yarim himoyachilar: Odil Ahmedov (“Krasnodar” – Rossiya), Aziz Haydarov (“Ash-Shabob” – BAA), Javohir Sohibov (“Paxtakor”), Salamat Quttiboyev (“Buxoro”), Odil Hamrobekov (“Nasaf”), Vadim Afonin (“Orenburg” – Rossiya), Sardor Rashidov (“Al-Jaish” – Qatar), Jaloliddin Masharipov (“Paxtakor”), Eldor Shomurodov (“Bunyodkor”), Server Jeparov (“Lokomotiv”), Jamshid Iskanderov (“Paxtakor”), Marat Bikmayev (“Lokomotiv”).

Hujumchilar: Igor Sergeyev (“Beyjing Goan” – Xitoy), Aleksandr Geynrix (“Ordabasi” – Qozog‘iston).

O‘zbekiston milliy terma jamoasi Janubiy Koreyaga qarshi 15-noyabr kuni bo‘lib o‘tadigan safardagi o‘yinga bugun, 4-noyabrdan tayyorgarlikni boshlaydi. Ushbu yig‘in doirasida samvel Babayan shogirdlari 10-noyabr kuni Toshkentda Iordaniya termasiga qarshi o‘rtoqlik uchrashuvi o‘tkazadi.

Xabarda qayd etilishicha, O‘zbekiston yoshlar terma jamoasi a’zolari Oston O‘runov hamda Jasurbek Yaxshiboyev milliy terma jamoaga yosh futbolchilarni tayyorlash dasturi doirasida bosh jamoa bilan birga mashg‘ulotlarda ishtirok etish uchun taklif qilindi.