5-noyabr kuni O‘zbekistonga “O‘zbekiston havo yo‘llari” milliy aviakompaniyasi tomonidan xarid qilingan Boeing-787 Dreamliner laynerlarining ikkinchisi yetib keladi. Bu haqda, aviakompaniyaga asoslanib, Uz24 xabar bermoqda.
Samolyot shanba kuni ertalab Sietldan boshlanadigan 12 soatlik uzluksiz parvozdan so‘ng “Toshkent” xalqaro aeroportida qo‘nadi. Avialaynerni kutib olish marosimiga OAV vakillari, aeroport ishchilari va boshqalar taklif etilgan.
Birinchi Dreamliner Toshkentga 31-avgust kuni yetib kelgan edi. O‘shandan buyon layner O‘zbekiston shaharlariga, shuningdek, Olmaota, Dubay va boshqa xorijiy shaharlarga parvoz qildi.
350 o‘rinli samolyotlar uzoq va juda uzoq masofali parvozlarda qo‘llanadi.
Izoh (0)