Angliya Liga Kubogi nimchorak finalidan o‘rin olgan barcha o‘yinlar o‘z yakuniga yetdi va chorak final juftliklarini aniqlash uchun qur’a tashlandi.
Mazkur musobaqada 8 marta g‘olib bo‘lib, mutlaq rekordchi bo‘lib turgan “Liverpul” chorak finalda Chempionship vakili “Lids” bilan o‘ynaydigan bo‘ldi.
Angliya Liga Kubogining 4 karra sohibi “Manchester Yunayted” 1/4 finalda musobaqadan “Chelsi”ni chiqarib yuborgan “Vest Hem” bilan kuch sinashadi.Arsen Venger boshchiligida biror marta ham Liga Kubogini qo‘lga kiritmagan “Arsenal” o‘z maqsadi sari kurashda “Sautgempton” bilan yuzma-yuz keladi. Ushbu turnirda biror marta ham g‘olib bo‘lmagan “Xall” va “Nyukasl” chorak finalda o‘zaro bahs yuritadi.Angliya Liga Kubogi, 1/4 final juftliklari
“Liverpul” – “Lids”
“Manchester Yunayted” – “Vest Hem”
“Xall” – “Nyukasl”
“Arsenal” – “Sautgempton”
Chorak final uchrashuvlari 30-noyabrga o‘tar kechasi bo‘lib o‘tadi.
Izoh (0)