“Ukalar Eron bilan o‘ynashni akalariga ko‘rsatib qo‘ysin!”

19 yoshgacha bo‘lgan futbolchilar o‘rtasidagi Osiyo Chempionatining chorak finalida O‘zbekiston va Eron termalari o‘zaro to‘qnash keladigan bo‘lgandi. O‘yin oldidan “Daryo” O‘zbekiston U19 — Eron U19 o‘yinidan nima kutmoqdasiz?, deb so‘rovnoma o‘tkazdi.

So‘rovnomada ishtirok etgan o‘quvchilarning 66 foizi “Ukalar Eron bilan o‘ynashni akalariga ko‘rsatib qo‘ysin!” variantini afzal deb bildi. Qayd etish kerak, O‘zbekiston milliy terma jamoasi JCh—2018 3-saralash bosqichidagi yagona mag‘lubiyatni Toshkentda Erondan qabul qilib olgandi.

Yoshlar o‘rtasidagi Jahon Chempionatini muhim deb hisoblaydigan o‘quvchilar soni 15 foizni tashkil qilgan bo‘lsa, qolgan variantlar uchun berilgan ovozlar foizi bir-biridan katta farq qilmadi.

O‘zbekiston — Eron o‘yini 24-oktabr kuni Toshkent vaqti bilan 21:15 da start oladi.