Bahraynda davom etayotgan yoshlar o‘rtasidagi Osiyo Chempionatini mezbonlardan qabul qilib olingan 2:3 hisobidagi mag‘lubiyat bilan boshlagan Saudiya Arabistoni termasi, chorak finalda Iroqni mag‘lub etdi va kelasi yil Janubiy Koreyada bo‘lib o‘tadigan Jahon Chempionatiga yo‘llanma oldi.
Guruh bosqichida Janubiy Koreya termasini qoldirib ketgan saudiyalik futbolchilar Iroq bilan uchrashuvda 2 ta gol farqi bilan oldinda bora turib, o‘yinning asosiy vaqtida hisobdagi ustunlikni saqlab qola olmadi. Bellashuvdan keyingi penaltilar seriyasida esa 6:5 hisobida ustun keldi.
Iroq Osiyo Chempionatini tark etdi. Biroz avvalroq mamlakat o‘smirlari qit’a chempionligini tantana qilgandi.
O‘zbekiston yoshlar terma jamoasi Osiyo Chempionatining chorak finalida Eronga raqib bo‘lgan. Mazkur jamoalar o‘rtasidagi o‘yin ertaga — 24-oktabr kuni bo‘lib o‘tadi. Bellashuv “Sport” telekanali orqali jonli namoyish etiladi.
Eronga qarshi uchrashuv oldidan o‘zbekistonliklar bosh murabbiyi Jasur Abduraimov bildirgan fikrlar bilan mana shu havola orqali tanishib olish mumkin.
Osiyo Chempionati—U19 Chorak final 23-oktabr, yakshanba
Iroq — Saudiya Arabistoni 2:2 pen: 5:6
Gollar: Rakan Al-Enaziy, 65 (0:1). Abdulrahmon Al-Yami, 70 (0:2). Sojid Xusayn Obid, 75 (1:2). Mazin Fayod, 80 (2:2).Bahrayn — Vyetnam
24-oktabr, dushanbaO‘zbekiston — EronYaponiya — Tojikiston
Izoh (0)