Astronomlar aylanish davri 20 ming yilni tashkil etuvchi osmon jismini topdi

Amerika astronomlari jamiyati Sayyorashunoslik bo‘limining uchrashuvida olimlar Quyoshdan 1430 astronomik birlikka teng masofaga uzoqlasha oladigan osmon jismining kashf etilganligi haqida ma’lum qildi. Bu haqda N+1 sayti ma’lum qildi, deb yozadi “Interfaks”.

Osmon jismining eng yaqin masofasi 50 astronomik birlikni tashkil etadi. Orbita bo‘ylab butun masofa 20 ming yildan iborat. Mazkur kashfiyot zamonaviy asboblarning texnik imkoniyatlari chegarasida amalga oshirilganligi ta’kidlanmoqda.

L91 nomini olgan yangi osmon jismi OSSOS (Outer Solar System Origins Survey) kollaboratsiyasi yordamida aniqlangan. U transneptun obyektlar turkumiga kiradi, uning orbitasi Pluton orbitasi chegarasidan butunlay tashqarida joylashgan. L91’ning og‘irligi va o‘lchamlari noma’lum, obyekt 2013-yilda kashf etilgan bo‘lib, u haqda keng jamoatchilikka faqat hozir ma’lum qilingan.