Xitoy davlat kompaniyalari mamlakatning qashshoq hududlarida iqtisodiyotni tiklashga qaratilgan investitsion jamg‘arma tashkil etdi. Bu haqda, BBC’ga asoslanib, “Interfaks” xabar bermoqda.
Ta’sischilar orasida davlat rivojlanish va investitsiyalar tashkiloti bor. Jami jamg‘arma ishida 51 kompaniya ishtirok etadi. Jamg‘armadagi boshlang‘ich mablag‘ 12 milliard yuanni (2 milliard dollar) tashkil etadi, keyinchalik bu hajm 100 milliard yuanga yetkazilishi ko‘zlanmoqda.
Bu mablag‘lar tabiiy resurslarni o‘zlashtirish, sanoat korxonalarida asbob-uskunalarni almashtirish maqsadlarida ishlatiladi. Pul Xitoyning 14 ta eng kambag‘al mintaqasiga yo‘llanadi.
Xitoyda oxirgi 30 yil ichida qashshoqlikda yashayotgan 600 million kishining turmush darajasi ko‘tarildi.
Izoh (0)