Ispaniya Kataloniyasi hukumati raisi Karles Puchdemon Facebook ijtimoiy tarmog‘ida bir kishidan tahdid oldi. Noma’lum shaxs uning mashinasiga bomba o‘rnatishi haqida ogohlantirdi, deb xabar beradi “TASS”.
15-oktabr kuni Xorxe Fernandes Ernandes ismli shaxs Kataloniya rahbariga shu ruhdagi xabarni yo‘lladi. Bu uning asl ismi-sharifimi, nikimi — noma’lum.
“Juda yaqinda soating keladi. Bomba mashinang ostida, hushyor bo‘l. Kataloniya degan mamlakat mavjud emas, esi past”, — deyilgan ushbu xabarda.
Ernandes Puchdemonni u Kataloniya muxtor viloyati aholisini Ispaniyadan chiqish tarafdorlari va bunga qarshilarga bo‘lib qo‘yganlikda hamda bundan manfaat ko‘rganlikda aybladi.
Izoh (0)