APL. Gvardiolaning ikki shogirdi penalti ura olmadi, “Tottenhem” ochko yo‘qotdi, “Arsenal” va “Chelsi”da g‘alaba (video)
Futbol bo‘yicha Angliya Premyer-Ligasining 8-turidan joy olgan yetti uchrashuvga yakun yasaldi.
Joriy mavsum mag‘lubiyat nima ekanini bilmay kelayotgan yagona jamoa bo‘lib turgan “Tottenhem” ochko yo‘qotdi. “Shporlar”ning sobiq futbolchisi Naser Shadli 82-daqiqada hisobni ochgan o‘yinda, oradan 7 daqiqa o‘tib Dele Alli London klubini mag‘lubiyatdan qutqarib qoldi.
Liga peshqadami bo‘lib turgan “Manchester Siti” esa o‘z maydonida Ronald Kumanning “Everton”ini mag‘lub eta olmadi. Bellashuvda Kevin de Bryuyne va Serxio Aguero kabi futbolchilar tomonidan berilgan 11 metrlik jarima zarbalarini Marten Stekelenburg qaytarib yuborishga muvaffaq bo‘ldi.
Londonning “Arsenal” klubi o‘z maydonida qiyin g‘alabani qo‘lga kiritdi. “Suonsi”ga qarshi bellashuvning 70-daqiqasida bosh hakam Jonatan Moss Granit Jakaga qizil kartochka ko‘rsatdi. Shunga qaramay “to‘pchilar” hisobdagi ustunlikni saqlab qola oldi.
Kunning markaziy o‘yini “Stemford Bridj” stadionida o‘tib, “Chelsi” amaldagi chempion “Lester”ga imkoniyat qoldirmadi — 3:0.
Angliya Premyer-Ligasi 8-tur bellashuvlari 15-oktabr, shanba
“Chelsi” — “Lester” 3:0
Gollar: Diyego Kosta, 7 (1:0). Eden Azar, 33 (2:0). Viktor Mozes, 80 (3:0).“Arsenal” — “Suonsi” 3:2
Gollar: Teo Uolkott, 26 (1:0). Teo Uolkott, 33 (2:0). Gilfi Sigurdsson, 39 (2:1). Mesut O‘zil, 57 (3:1). Borxa Baston, 66 (3:2).Chetlatish: Granit Jaka, 70 (A).“Bornmut” — “Xall Siti” 6:1
Gollar: Charli Deniyels, 5 (1:0). Rayan Meyson, 34 (1:1). Stiv Kuk, 41 (2:1). Junior Stanislas, 45- pen (3:1). Junior Stanislas, 65 (4:1). Kallum Uilson, 83 (5:1). Den Gosling, 88 (6:1).“Vest Bromvich” — “Tottenhem” 1:1
Gollar: Naser Shadli, 82 (1:0). Dele Alli, 89 (1:1).“Manchester Siti” — “Everton” 1:1
Gollar: Romelu Lukaku, 64 (0:1). Nolito, 72 (1:1).Noaniq penaltilar: Kevin de Bryuyne, 43 (M). Serxio Aguero, 70 (M).“Stok Siti” — “Sanderlend” 2:0
Gollar: Jo Allen, 8 (1:0). Jo Allen, 45+1 (2:0).“Kristal Pelas” — “Vest Hem” 0:1
Gol: Manuel Lansini, 19 (0:1).Noaniq penalti: Kristian Benteke, 45+1 (K).Chetlatish: Aaron Kressuell, 75 (V).16-oktabr, yakshanba“Midlsbro” — “Uotford”“Sautgempton” — “Byornli”
17-oktabr, dushanba“Liverpul” — “Manchester Yunayted”
