Kanada poytaxti Ottava shahri yaqinida sayyohlik avtobusining yo‘l transport hodisasiga uchrashi oqibatida 26 kishi jabrlandi. Bu haqda CBC telekanaliga tayanib, “TASS” xabar bermoqda.
Xabarda qayd etilishicha, avtobus ichida jami 50 nafar kishi – barchasi katta yoshdagilar bo‘lgan.
Dinbig shaharchasidan o‘tib ketayotgan mashina noma’lum sabablarga ko‘ra ag‘darilgan. Buning oqibatida jarohat olgan 26 kishi, shulardan ikki nafari og‘ir ahvolda shifoxonaga yotqizildi.
Hodisa sabablari o‘rganilmoqda. Dinbig shahri Ottavadan 160 kilometr g‘arbda joylashgan.
Izoh (0)