Italiyalik yozuvchi, dramaturg, rejissor, aktyor, rassom, taniqli davlat arbobi, adabiyot bo‘yicha 1997-yilgi Nobel mukofoti sohibi Dario Fo 13-oktabr, payshanba kuni 90 yoshida vafot etdi. Bu haqda Rai News 24 telekanali ma’lum qildi, deb yozadi “TASS”.
Mart oyida Fo 90 yoshligini yangi spektakl bilan nishonlagan edi. U oxirgi damga qadar faolligini saqlab qoldi. Omma va jurnalistlar bilan uchrashib, ko‘p ishladi.
Italiya bosh vaziri Matteo Rensi Foning vafoti bilan mamlakat madaniy hayotning yirik siymosini yo‘qotganligini ma’lum qildi.