“Real” yozda Neymarga yiliga 32 mln yevro maosh va 40 mln yevro ko‘tarma puli taklif qilgani ma’lum bo‘ldi

“Barselona” hujumchisi Neymar yozgi transferlar oynasida “Real” klubidan jiddiy taklifni rad etgani ma’lum bo‘ldi, deb xabar bermoqda “Chempionat”.

Xabarda qayd etilishicha, “Qirollik klubi” braziliyalik 24 yoshli futbolchiga yiliga 32 million yevro maosh va 40 million yevro ko‘tarma pulini taklif qilgan. Fransiyaning “PSJ” va Angliyaning “Manchester Yunayted” jamoalari esa bundanda yaxshi takliflar bildirgan: yiliga 40 million yevro maosh va 40 million yevro ko‘tarma puli.

Yuqoridagi takliflar Neymar “Barselona” bilan shartnomasini uzaytirmasidan avval bildirilgan edi. Ayni damda Neymar “Barselona”da yiliga qariyb 16 million yevro maosh olmoqda.