Ravshan Ermatov boshqarib boradigan Rossiya — Kosta-Rika o‘yini uchun barcha chiptalar sotib bo‘lindi

O‘zbekistonlik FIFA referisi Ravshan Ermatov boshqarib boradigan Rossiya va Kosta-Rika terma jamoalari o‘rtasidagi bellashuv uchun chiqarilgan chiptalarning barchasi sotib bo‘lindi, deb xabar berdi “Chempionat”. Bu haqda “Krasnodar” klubi marketing direktori Vadim Voinov ma’lum qilgan.

Rossiya — Kosta-Rika o‘yiniga yangi qurib bitkazilgan va o‘z bag‘riga 34 mingdan ziyod futbol muxlisini sig‘dira oladigan “Krasnodar” stadioni mezbonlik qiladi. Bellashuv Toshkent vaqti bilan 18:00 da start oladi.