Andrey Shevchenko o‘zi istagan tarkibga Lionel Messini kiritdi, Krishtianu Ronaldu esa zaxirada qoldi

Ukraina terma jamoasi bosh murabbiyi Andrey Shevchenko futbolchilik davrida o‘zi bilan birga to‘p surgan futbolchilardan ko‘nglidagidek jamoa tuzib berdi, deb yozdi “Chempionat”.

Shevchenkoning asosiy tarkibidan futbolning bugungi yulduzlaridan biri Lionel Messi joy olgan bo‘lsa, Krishtianu Ronaldu zaxirada qolib ketdi.

Sobiq futbolchi darvozabonlar orasidan “Yuventus” posboni Janluidji Buffonni tanladi. Himoyachilar kvartetiga esa Paolo Maldini, Alessandro Nesta, Jon Terri hamda Kafuni kiritdi.

Yarim himoyachilardan Kaka, Stiven Jerrard, Zinedin Zidanni afzal bilgan Shevchenko, hujum chizig‘iga Ronaldo, Lionel Messi va Ueyn Runini joylashtirdi.

Petr Chex, Karles Puyol, Mixael Ballak, Frenk Lempard, Andrea Pirlo, Rayan Giggz, Krishtianu Ronaldu kabi futbolchilar zaxirada qoldi.