Toshkentning Mirzo Ulug‘bek shoh ko‘chasidagi bekatlar qayta tiklanmoqda

Toshkentda 3-oktabr tongida Mirzo Ulug‘bek shoh ko‘chasidagi “Rassomchilar” bekatlarini qayta tiklash bo‘yicha ishlar boshlandi, deb yozadi “Gazeta.uz”.

Mazkur yo‘lning har ikkala tomonidagi to‘xtash majmualari 2015-yilning iyulida yopilgan edi. Yo‘lovchilarga “Kimyo instituti” yoki “Siyosatshunoslik instituti” bekatlaridan birida tushish taklif qilinar edi. Ular o‘rtasidagi oraliq 1,5 kilometrga yaqin masofani tashkil etadi.

Yo‘lak to‘sib qo‘yilganligiga qaramasdan, yil davomida avtobus haydovchilari kutib turgan odamlarni qabul qilish yoki yo‘lovchilarni tushirish uchun sobiq bekatlarning odatiy joyida to‘xtab kelar edi.