Rossiya prezidenti Vladimir Putin AQSh bilan imzolangan plutoniy utilizatsiyasi bo‘yicha kelishuvni vaqtinchalik to‘xtatish borasida ko‘rsatma berdi. Huquqiy axborot rasmiy portalida chop etilgan farmon matnida bunga Vashingtonning dushmanona xatti-harakatlari sabab ekanligi aytiladi, deb xabar bermoqda “TASS”.
Hujjatda ta’kidlanishicha, gap yadroviy qurol va boshqa yadroviy portlovchi uskunalar yaratishda foydalanilmaydigan plutoniy haqida ketmoqda.
RF TIVga AQSh tomoniga tegishli ogohlantirishni yo‘llash topshirildi.
Shu bilan bir paytda Rossiya rahbari tashqi ishlar vaziri o‘rinbosari Sergey Ryabkovni tegishli kelishuv va bayonnomalarni to‘xtatish bo‘yicha Federal Majlis palatalari yig‘ilishida o‘z rasmiy vakili etib tayinlash to‘g‘risida farmoyish imzoladi.
Izoh (0)