O‘zbekistonlik Misha Ge Kanadaning Monreal shahrida figurali uchish bo‘yicha bo‘lib o‘tgan Autumn Classic International–2016 turnirida ishtirok etib, kumush medalga sazovor bo‘ldi. Bu haqda “Gazeta.uz” xabar bermoqda.
28-sentabr – 1-oktabr kunlari bo‘lib o‘tgan musobaqada 11 mamlakatdan 15 ishtirokchi qatnashdi.
Qisqa dasturda 79,52 ochko, erkin dasturda 151,03 ochko, jami 230,55 ochko to‘plagan Misha Ge yakunda faqatgina Sochi–2014 Olimpiadasi g‘olibi yaponiyalik Yudzuru Xanyuga (260,57 ochko) imkoniyatni boy berdi.
Ikki dastur yakuniga ko‘ra 226,13 ochko jamg‘argan amerikalik Maks Aaron bronza medalini qo‘lga kiritdi.
Izoh (0)