O‘zbekistonda 2016-yilning 13—22-oktabr kunlari Koreya madaniyati festivali Korea Festival 2016 bo‘lib o‘tadi. Bu haqda Koreya Respublikasining Toshkentdagi elchixonasi ma’lum qildi, deb yozadi UzDaily.
Diplomatik missiyaning ma’lum qilishicha, festival Toshkent, Samarqand va Buxoroda bo‘lib o‘tadi.
Festival 13-oktabr kuni Koreya an’anaviy libosi “Xanbok” modalar namoyishi bilan ochiladi.
14-oktabr kuni Toshkentda Koreya Respublikasi elchisi kubogi uchun o‘smirlar o‘rtasida taekvondo bo‘yicha chempionat bo‘lib o‘tadi.
Festival doirasida 15-oktabr kuni Sookmyung Gayageum va B-boy orkestri ishtirokida Koreya fyujn musiqasi konserti bo‘lib o‘tadi.
2016-yil 17-oktabrida Toshkentda Koreya kinofestivali ochilish marosimi bo‘lib o‘tadi. 21 va 22-oktabrda poytaxtda mashhur rassom Li Jung Sopning hayoti va faoliyatiga bag‘ishlangan musiqali teatr tomoshasi namoyish etiladi.
Tadbirlar, shuningdek, 18—21-oktabr kunlari Samarqandda va 19—22-oktabrda Buxoroda bo‘lib o‘tadi.
Izoh (0)