Rio—2016 Paralimpiadasi sovrindorlari Fotima Amilova, Shohsanam Toshpo‘latova va Dimitriy Xorlin Muborak shahridagi “Bahrom Vofoyev” nomli stadionga yig‘ilgan minglab muxlislar ko‘z o‘ngida tantanali taqdirlangani haqida “Mash’al” futbol klubi matbuot xizmati xabar berdi.
Sportchilarning musobaqada ishtirok etishlarini ta’minlashga befarq bo‘lmagan Muborak gazni qayta ishlash zavodi ularga Cobalt avtomashinalarini tortiq qilgan. Bunga qadar O‘zbekiston hukumati Rio—2016 Paralimpiadasida ishtirok etgan sportchilarni Malibu avtomashinasi hamda sovrindorlarni pul mukofoti bilan taqdirlagandi.
Muborak shahridagi marosim Qashqadaryo viloyati hokimi Zafar Ro‘ziyevning kirish so‘zi bilan ochib berilgan. Unda, shuningdek, MGQIZ direktori Elmurod Qurbonov, Muborak tumani hokimi Panji Allaqulov, Muborak neft va gaz konlar boshqarmasi boshlig‘i Shermat Shamsiyev, viloyat IIB boshlig‘i Dilshod Tursunboyev, viloyat prokuraturasi boshlig‘i Salom Samadov ishtirok etgan.
Fotima Amilova Rio—2016 da 1 tadan oltin, kumush va bronzaga ega chiqqan bo‘lsa, Dmitriy Xorlin ishtirokini kumush bilan yakunlagandi. Shohsanam Toshpo‘latova esa ikkita bronzani qo‘lga kiritgandi.
Izoh (0)