Rossiyadagi poyga chog‘ida hakam olamdan o‘tdi

Rossiyaning Omsk shahrida o‘tgan “Ralli Sibir” poygasi chog‘ida 39 yoshli chitalik haydovchi mashina boshqaruvini qo‘ldan boy berib, trassadan chiqib ketdi va ikki hakam turgan minoraga urilib ketdi. Bu haqda “Vedomosti” xabar bermoqda.

Minora qulashi oqibatida hakamlar og‘ir jarohat oldi. Ulardan biri, 54 yoshli erkak tez yordam mashinasida jon berdi.

Ikkinchi hakam — 34 yoshli ayol ayni paytda og‘ir ahvolda reanimatsiya bo‘limida yotibdi.

Tergovchilar voqea joyini ko‘zdan kechirmoqda.